ಅಮೀನಗಡ
ಪಟ್ಟಣದ ಸೂಳೇಬಾವಿ ಕ್ರಾಸ್‌ನ ಸಮೀಪದ ಸಮುದಾಯ ಭವನವೊಂದರಲ್ಲಿ ಕೊಳೆತ ಸ್ಥಿತಿಯಲ್ಲಿರುವ ಶವವೊಂದು ಭಾನುವಾರ ಪತ್ತೆಯಾಗಿದೆ.
ಮೃತ ವ್ಯಕ್ತಿ ಅಂದಾಜು 35-40 ವರ್ಷದವನಾಗಿದ್ದು ವಾರಸುದಾರರು ಪತ್ತೆಯಾಗಿಲ್ಲ. ಮರ‍್ನಾಲ್ಕು ದಿನದ ಹಿಂದೆಯೇ ಮೃತಪಟ್ಟಿದ್ದು ಅಂದಾಜು 5.2 ಎತ್ತರವಿದ್ದಾನೆ. ಬಲಗೈನಲ್ಲಿ ದಾರ ಕಟ್ಟಿದ್ದು ತಿಳಿ ನೀಲಿ ಬಣ್ಣದ ಟೀ ಶರ್ಟ್ ಧರಿಸಿದ್ದು ಟೀ ಶರ್ಟ್ನ ಮೇಲೆ ಸ್ಪೇಸ್ ಫೋರ್ಸ್ ಎಂದು ಬರೆಯಲಾಗಿದೆ.
ಭಾನುವಾರ ಮಧ್ಯಾಹ್ನ ತೀವ್ರ ವಾಸನೆ ಹಿನ್ನೆಲೆಯಲ್ಲಿ ಅಲ್ಲಿದ್ದ ಜನ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಸ್ಥಳಕ್ಕೆ ಪಿಎಸ್‌ಐ ಜ್ಯೋತಿ ವಾಲಿಕಾರ, ಕ್ರೆöÊಂ ಪಿಎಸ್‌ಐ ವೈ.ಎಚ್.ಪಠಾಣ, ಸಿಬ್ಬಂದಿ ರಮೇಶ ಗಣಿ, ವೈ.ಎಸ್.ಬೋಳಿ, ಎಂ.ಎನ್.ಶಿರಹಟ್ಟಿ ಭೇಟಿ ನೀಡಿದ್ದರು. ಘಟನೆ ಕುರಿತಂತೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ವ್ಯಕ್ತಿಯ ಗುರುತು ಪತ್ತೆ ಹಚ್ಚಿದವರು ಅಮೀನಗಡ ಪೊಲೀಸ್ ಠಾಣೆ ದೂ.08351-280133, ಪೊಲೀಸ್ ಸರ್ಕಲ್ ಇನ್ಸ್ಪೆಕ್ಟರ್ ಹುನಗುಂದ 9480803933, ಪೊಲೀಸ್ ಉಪವಿಭಾಗ ಹುನಗುಂದ 08351-200104 ಅಥವಾ ಪೊಲೀಸ್ ಕಂಟ್ರೋಲ್ ರೂಂ 08354-235079ಗೆ ಸಂಪರ್ಕಿಸಬಹುದು ಎಂದು ಠಾಣೆ ಪ್ರಕಟಣೆ ತಿಳಿಸಿದೆ.
