ಬೆಂಗಳೂರು: ಜಗದೀಶ್ ಶೆಟ್ಟರ್ ರಾಜೀನಾಮೆಯಿಂದ ಕಾಂಗ್ರೆಸ್ ಕಾರ್ಯಕರ್ತರು ಸಂತೋಷಗೊಂಡಿದ್ದಾರೆ ಎಂದು ಕೆಪಿಸಿಸಿ ಅಧ್ಯಕ್ಷ ಡಿಕೆ ಶಿವಕುಮಾರ್ ತಿಳಿಸಿದರು.
ಕೆಪಿಸಿಸಿ ಕಚೇರಿಯಲ್ಲಿ ಮಾತನಾಡಿದ ಅವರು, ಶೆಟ್ಟರ್ ರಾಜೀನಾಮೆಯಿಂದ ನಮಗೆ ಒಂದು ದಿನದ ಮುಜುಗರ ಆಗಬಹುದಿದ್ದು, ನಾವು ಸಿದ್ದಾಂತದ ಮೇಲೆ ರಾಜಕಾರಣ ಮಾಡ್ತಿತ್ತಿದ್ದು, ಶೆಟ್ಟರ್ ತೀರ್ಮಾನದಿಂದ ಕಾಂಗ್ರೆಸ್ ಪಕ್ಷದ ಕಾರ್ಯಕರ್ತರು ಸಂತೋಷದಿಂದ ಇದ್ದಾರೆ ಎಂದರು.
ಅವರು ಹೋಗಿದ್ದು ಒಳ್ಳೆಯದಾಯಿತು ಇಲ್ಲ ಅಂದಿದ್ದರೆ ಮುಜುಗರ ಆಗ್ತಿತ್ತು ಎಂದು ನಮ್ಮ ಕಾರ್ಯಕರ್ತರು ಹೇಳುತ್ತಿದ್ದು, ಬಿಜೆಪಿ ವಿರುದ್ಧ ನೀಡಿದ್ದ ಹೇಳಿಕೆಗಳಿಗೆ ಅವರೇ ಉತ್ತರ ಕೊಡಬೇಕು. ನಾವು ಅವರಿಗೆ ದೂರ ದೃಷ್ಟಿಯಿಂದ ಅವಕಾಶ ಕೊಟ್ಟಿದ್ದೆವು .ಬಿಜೆಪಿ ವಿರುದ್ಧ ದೊಡ್ಡ ದೊಡ್ಡ ಆರೋಪ ಮಾಡಿ ಅವರು ನಮ್ಮ ಪಕ್ಷಕ್ಕೆ ಸೇರ್ಪಡೆಯಾದರು ಎಂದು ಹೇಳಿದರು.
ನಾವು ಅವರಿಗೆ ಟಿಕೆಟ್ ಕೊಟ್ಟು ಚುನಾವಣೆಗೆ ನಿಲ್ಲಿಸಿದ್ದು, ಕಾರ್ಯಕರ್ತರಿಗೆ ಅವಕಾಶ ಕೊಡದೆ ಅವರಿಗೆ ಕೊಟ್ಟಿದ್ದೆವು. ಆದರೆ 35 ಸಾವಿರ ಅಂತರದಲ್ಲಿ ಸೋಲನ್ನು ಅನುಭವಿಸಿದ್ದು, ಮಾಜಿ ಸಿಎಂ ಎಂದು ಹೇಳಿ ಅವರಿಗೆ ಪರಿಷತ್ ಸದಸ್ಯ ಸ್ಥಾನ ನೀಡಿದ್ದೆವು. ಅವರನ್ನು ನಂಬಿ ಎಂಎಲ್ ಸಿ ನೀಡಿ ಗೌರವದಿಂದ ನೋಡಿಕೊಂಡಿದ್ದೇವೆ ಎಂದು ಸೂಚಿಸಿದರು.
