ಬಹುಭಾಷಾ ನಟ ಪ್ರಕಾಶ್ ರಾಜ್ ಅವರು ಬಿಜೆಪಿಗೆ ಸೇರ್ಪಡೆಗೊಳ್ಳಲಿದ್ದಾರೆ ಎಂದು, ಇಂದು ಮಧ್ಯಾಹ್ನ ಟ್ವಿಟ್ಟರ್ ( ಎಕ್ಸ್) ಅಕೌಂಟ್ ನಲ್ಲಿ ವ್ಯಕ್ತಿಯೊಬ್ಬ ಹಾಕಿದ ಟ್ವೀಟ್ ವ್ಯಾಪಕ ಪ್ರಚಾರವನ್ನು ಪಡೆದುಕೊಂಡಿತು ಎಂದು ಮಾಹಿತಿ ತಿಳಿದು ಬಂದಿದೆ.
’ ಖ್ಯಾತ ನಟ ಪ್ರಕಾಶ್ ರಾಜ್ ಇಂದು ಮಧ್ಯಾಹ್ನ ಮೂರು ಗಂಟೆಗೆ ಬಿಜೆಪಿಗೆ ಸೇರ್ಪಡೆಗೊಳ್ಳಲಿದ್ದಾರೆ’ ಎಂದು ದಿ ಸ್ಕಿನ್ ಡಾಕ್ಟರ್ ಎನ್ನುವ ಟ್ವಿಟ್ಟರ್ ಖಾತೆದಾರ ಟ್ವೀಟ್ ಮಾಡಿದ್ದ. ಈ ಟ್ವೀಟಿಗೆ ಲೈಕ್ಸ್ ಮತ್ತು ರಿಟ್ವೀಟ್ ಹೆಚ್ಚು ಪಡೆಯುತ್ತಿದ್ದಂತೆಯೇ ಪ್ರಕಾಶ್ ರಾಜ್ ಇದಕ್ಕೆ ಉತ್ತರವನ್ನು ನೀಡಿದ್ದಾರೆ.” ಅವರು ನನ್ನನ್ನು ಖರೀದಿಸಲು ಪ್ರಯತ್ನಿಸಿದರು ಎಂದು ಭಾವಿಸುತ್ತೇನೆ, ಆದರೆ ನನ್ನನ್ನು ಖರೀದಿಸುವಷ್ಟು ಶ್ರೀಮಂತರಲ್ಲ ( ಸೈದ್ದಾಂತಿಕವಾಗಿ) ಎನ್ನುವುದು ಅವರಿಗೆ ಮನವರಿಕೆ ಆಗಿರಬೇಕು. ಏನು ಹೇಳುತ್ತೀರಾ ಫ್ರೆಂಡ್ಸ್ ” ಎಂದು ಪ್ರಕಾಶ್ ರಾಜ್ #justasking ಹ್ಯಾಷ್ ಟ್ಯಾಗ್ ಹಾಕಿ, ಬಿಜೆಪಿ ಸೇರುವ ಸುದ್ದಿಗೆ ರಿಪ್ಲೈ ಮಾಡಿದ್ದರು.
ಬಿಜೆಪಿ ಮತ್ತು ನರೇಂದ್ರ ಮೋದಿಯವರ ಕಟು ಟೀಕಾಕಾರರಲ್ಲಿ ಒಬ್ಬರಾದ ಪ್ರಕಾಶ್ ರಾಜ್, ಬಿಜೆಪಿಗೆ ಸೇರುತ್ತಾರೆ ಎನ್ನುವ ಈ ಸುಳ್ಳುಸುದ್ದಿಗೆ ಒಳ್ಳೆ ಮೈಲೇಜ್ ಸಿಕ್ಕಿತ್ತು. ಲೋಕಸಭಾ ಚುನಾವಣೆಯ ವೇಳೆ ಸುದ್ದಿ ಸತ್ಯವಿದ್ದರೂ ಇರಬಹುದು ಎಂದು ಈ ಟ್ವೀಟ್ 7.3 ಲಕ್ಷ ವೀವ್ಸ್ ಅನ್ನು ಪಡೆದಿತ್ತು.ದಿ ಸ್ಕಿನ್ ಡಾಕ್ಟರ್ ಎನ್ನುವ ಬ್ಲೂಟಿಕ್ ಪಡೆದಿರುವ ಈ ಅಕೌಂಟಿನ ಈ ಟ್ವೀಟ್, 5,600 ಲೈಕ್ಸ್, 673 ರಿಟ್ವೀಟ್ ಮತ್ತು 1.6ಸಾವಿರ ಪ್ರತಿಕ್ರಿಯೆಗಳು ಬಂದಿವೆ.
ಪ್ರಕಾಶ್ ರಾಜ್ ಅವರ ರಿಪ್ಲೈಗೂ ಹದಿನಾರು ಸಾವಿರ ಲೈಕ್ಸ್, 5.7 ಲಕ್ಷ ವೀವ್ಸ್ ಅನ್ನು ಪಡೆದುಕೊಂಡಿದೆ ಕೂಡಾ.. ನಿಮ್ಮ ಅಭಿಪ್ರಾಯವೇನು ಎಂದು ಪ್ರಕಾಶ್ ರಾಜ್ ಕೇಳಿರುವುದರಿಂದ ಸುಮಾರು ಎರಡು ಸಾವಿರ ರಿಪ್ಲೈ ಇದಕ್ಕೆ ಬಂದಿದೆ.ಪ್ರಕಾಶ್ ರಾಜ್ ಅವರ ಟ್ವೀಟಿಗೆ ಖಾರವಾದ ಪ್ರತಿಕ್ರಿಯೆಯೇ ಹೆಚ್ಚಾಗಿ ಬಂದಿದೆ. ಉದಾಹರಣೆಗೆ, ನೋಟಾಗೆ ನಿಮಗಿಂತ ಹೆಚ್ಚು ವೋಟುಗಳು ಬೀಳುತ್ತವೆ, ಸುಮ್ಮನಿರಿ.
ಅವರು ನನ್ನನ್ನು ಖರೀದಿಸಲು ಪ್ರಯತ್ನಿಸಿದರು, ಅವರು ಶ್ರೀಮಂತರಲ್ಲ, ಅವರು ನನ್ನನ್ನು ಖರೀದಿಸಲು ಸಾಧ್ಯವಿಲ್ಲ, ಇವೆಲ್ಲವೂ ಸುಳ್ಳು ಎನ್ನುವ ಪ್ರತಿಕ್ರಿಯೆಯು ಬಂದಿದೆ.ಸರ್ ನಿಮ್ಮ ಧ್ವನಿ ಗಟ್ಟಿಯಾಗಿದೆ, ಒಮ್ಮೆ ಘರ್ಜಿಸಿ, ಅವರು ಹಾರಿ ಹೋಗುತ್ತಾರೆ, ನಿಮಗಿಂತ ಕಡಿಮೆ ಬೆಲೆಯ ಕಸದ ಬುಟ್ಟಿ ಸಿಗಬಹುದು ಎನ್ನುವುದು ಅವರಿಗೆ ಖಾತ್ರಿಯಾಗಿದೆ, ಹಾಗಾಗಿ ನಿಮ್ಮನ್ನು ಖರೀದಿಸುವ ಪ್ಲ್ಯಾನ್ ಕೈಬಿಟ್ಟಿದ್ದಾರೆ ಎನ್ನುವ ರಿಪ್ಲೈಗಳು ಕೂಡಾ ಪ್ರಕಾಶ್ ರಾಜ್ ಅವರ ಟ್ವೀಟಿಗೆ ಬಂದಿದೆ.
