ವಿಜಯಪುರ : ಯಾವಾಗಲೂ ಖಡಕ್‌ ಡೈಲಾಗ್‌ ಹೊಡೆದು ಸದಾ ಸುದ್ದಿಯಲ್ಲಿರುವ ರಾಜಕಾರಣಿ ವಿಜಯಪುರ ಶಾಸಕ ಬಸನಗೌಡ ಪಾಟೀಲ ಯತ್ನಾಳ್ ಈಗ ಮತ್ತೇ ಸುದ್ದಿಯಲ್ಲಿದ್ದಾರೆ.
ಬಸನಗೌಡ ಪಾಟೀಲ ಯತ್ನಾಳ್‌ರವರು ತಮ್ಮನ್ನು ಗೆಲ್ಲಿಸಿದ ಮತದಾರರಿಗೆ ಧನ್ಯವಾದ ತಿಳಿಸಲು ನಿರ್ಧರಿಸಿದ್ದು , ಈ ಬಾರಿ ತಮ್ಮ ಕ್ಷೇತ್ರದ ಮತದಾರರಿಗೆ ಅಭಿವೃದ್ಧಿ ಜೊತೆಗೆ ಬಂಪರ್‌ ಉಡುಗೊರೆ ನೀಡಲು ತೀರ್ಮಾನಿಸಿದ್ದಾರೆ.
ನನ್ನ ಮತದಾರರು ನನ್ನ ಕೈ ಬಿಟ್ಟಿಲ್ಲ, ನನ್ನ ಜೊತೆಗೆ ಇರ್ತಾರೆ , ನನ್ನ ಅಭಿವೃದ್ಧಿ ಕೆಲಸಗಳೇ ನನಗೆ ಶ್ರೀ ರಕ್ಷೆ ಎಂದು ಹೇಳುವ ಯತ್ನಾಳ್ ಈ ಬಾರಿ ವಿಜಯಪುರ ಕ್ಷೇತ್ರದ ಮತದಾರರರಿಗೆ ದೀಪಾವಳಿ ಆಚರಣೆಗೆ ಹನ್ನೊಂದು ಸಾವಿರ ಕುಟುಂಬಗಳಿಗೆ ತಲಾ ಎರಡು ಸಾವಿರ ರೂ ನೀಡಲು ನಿರ್ಧರಿಸಿದ್ದಾರೆ.
