ಹೊಸದಿಲ್ಲಿ: ʻಭಾರತದ Gen Z ಯುವಕರು ದೇಶದ ಹಿತಾಸಕ್ತಿಗಳಿಗೆ ಮೊದಲ ಆದ್ಯತೆ ಕೊಡುತ್ತಾರೆ. ಸಿಕ್ಕ ಅವಕಾಶ ಸರಿಯಾದ ರೀತಿಯಲ್ಲಿ ಬಳಕೆ ಮಾಡಿಕೊಳ್ಳುತ್ತಾರೆ. ಸರ್ಕಾರ ಬಾಹ್ಯಾಕಾಶ ವಲಯವನ್ನು ತೆರೆದಾಗ, ದೇಶದ ಯುವಕರು, ವಿಶೇಷವಾಗಿ ನಮ್ಮ ಯುವ ಪೀಳಿಗೆ ಅದರ ಸಂಪೂರ್ಣ ಲಾಭ ಪಡೆಯಲು ಮುಗಿಬಿದ್ದರು. ಎಲ್ಲ ವಲಯದಲ್ಲೂ ಅವರ ಪಾರುಪತ್ಯವಿದೆ ಎಂದು ಪ್ರಧಾನಿ ನರೇಂದ್ರ ಮೋದಿಯವರು ಝೆಡ್ ಜೀ ಜನರಷನ್ ಪೀಳಿಗೆಯನ್ನು ಹಾಡಿ ಹೊಗಳಿದರು.
ಹೈದರಾಬಾದ್ನ ಸ್ಕೈರೂಟ್ ಏರೋಸ್ಪೇಸ್ ಇನ್ಫಿನಿಟಿ ಸಂಸ್ಥೆ ಅಭಿವೃದ್ಧಿಪಡಿಸಿರವ ವಿಕ್ರಮ್-1 ರಾಕೆಟ್ ಭಾರತದ ಬಾಹ್ಯಾಕಾಶ ಕ್ಷೇತ್ರದಲ್ಲಿ ಹೊಸ ಯುಗಕ್ಕೆ ನಾಂದಿ ಹಾಡಲಿದೆ. ವಿಕ್ರಮ್-1 ರಾಕೆಟ್ ಅನಾವರಣಗೊಳಿಸಿ ಮಾತನಾಡಿದ ಮೋದಿ, ‘‘ಜಾಗತಿಕ ಉಪಗ್ರಹ ಉಡಾವಣಾ ವ್ಯವಸ್ಥೆಗಳಲ್ಲಿ ಭಾರತ ವಿಶ್ವ ನಾಯಕನಾಗಿ ಹೊರಹೊಮ್ಮಲಿದೆ. ಖಾಸಗಿಯಾಗಿ ಅಭಿವೃದ್ಧಿಪಡಿಸಿರುವ ರಾಕೆಟ್ ದೇಶದ ವಿಶ್ವಾಸಾರ್ಹತೆ ಸಾಕ್ಷಿಯಾಗಿದೆ. ನಾವೀನತ್ಯೆಯ ತಂತ್ರಜ್ಞಾನವು ದೇಶದ ಬೆಳವಣಿಗೆಯ ಸಂಕೇತವಾಗಿದೆ ಎಂದು ಪ್ರಧಾನಿ ಮೋದಿ ಹೇಳಿದರು.
ಅವಕಾಶ ಬಳಸಿಕೊಳ್ಳುವ ಚುರುಕುತನವಿದೆ
ʻಭಾರತದ Gen Z ಪೀಳಿಗೆಗೆ ಪ್ರತಿಯೊಂದು ಅವಕಾಶವನ್ನೂ ಬುದ್ಧಿವಂತಿಕೆಯಿಂದ ಬಳಕೆ ಮಾಡಿಕೊಳ್ಳುವ ತಾಕತ್ತಿದೆ. ಇಂದು, ಭಾರತದ 300ಕ್ಕೂ ಹೆಚ್ಚು ಬಾಹ್ಯಾಕಾಶ ಸ್ಟಾರ್ಟಪ್ಗಳು ದೇಶದ ಬಾಹ್ಯಾಕಾಶ ಭವಿಷ್ಯಕ್ಕೆ ಹೊಸ ಭರವಸೆ ನೀಡುತ್ತಿವೆʼ ಎಂದು ಮೋದಿ ಹೇಳಿದರು.
Gen Zಯಿಂದ ಭವಿಷ್ಯ
ʻಎಂಜಿನಿಯರ್ಗಳು, ವಿನ್ಯಾಸಕರು, ಕೋಡರ್ಗಳು ಮತ್ತು ವಿಜ್ಞಾನಿಗಳು, ಕಾಂಪೋಸಿಟ್ ಮೆಟೀರಿಯಲ್ಸ್, ರಾಕೆಟ್ ಹಂತಗಳು ಅಥವಾ ಸ್ಯಾಟಲೈಟ್ ಪ್ಲಾಟ್ಫಾರ್ಮ್ಗಳಂತಹ ಹೊಸ ತಂತ್ರಜ್ಞಾನಗಳನ್ನು ಜೆನ್ ಜಿ ಸೃಷ್ಟಿಸುತ್ತಿದೆ. ಕೆಲವೇ ವರ್ಷಗಳ ಹಿಂದೆಯಿಂದ ಊಹಿಸಲೂ ಸಾಧ್ಯವಾಗದ ಕ್ಷೇತ್ರಗಳಲ್ಲಿ ಭಾರತದ ಯುವಕರು ಸೇವೆ ಸಲ್ಲಿಸುತ್ತಿದ್ದಾರೆ. ಭಾರತದ ಖಾಸಗಿ ಬಾಹ್ಯಾಕಾಶ ಪ್ರತಿಭೆಗಳು ಜಾಗತಿಕವಾಗಿ ತಮ್ಮ ಛಾಪು ಮೂಡಿಸುತ್ತಿವೆ. ಇದರಿಂದಾಗಿ ಭಾರತದ ಬಾಹ್ಯಾಕಾಶ ವಲಯವು ಜಾಗತಿಕ ಹೂಡಿಕೆದಾರರಿಗೆ ಆಕರ್ಷಕ ತಾಣವಾಗುತ್ತಿದೆʼ ಎಂದು ಹೇಳಿದರು.
ರಾಕೆಟ್ ವಿಕ್ರಮ್-1 ಅನಾವರಣ
ಖಾಸಗಿಯಾಗಿ ಅಭಿವೃದ್ಧಿಪಡಿಸಿದ ದೇಶದ ಮೊದಲ ಖಾಸಗಿ ಉಡಾವಣಾ ವಾಹನ ವಿಕ್ರಮ್-1 ರಾಕೆಟ್ ಅನ್ನು ಪ್ರಧಾನಿ ನರೇಂದ್ರ ಮೋದಿ ಅವರು ಗುರುವಾರ ವರ್ಚುವಲ್ ಮೂಲಕ ಅನಾವರಣಗೊಳಿಸಿದರು.
300 ಬಾಹ್ಯಾಕಾಶ ಸ್ಟಾರ್ಟ್ಅಪ್
ʻಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆಯ (ಇಸ್ರೊ) ಹಲವು ದಶಕಗ ಪ್ರಯತ್ನದಿಂದ ಬಾಹ್ಯಾಕಾಶ ಕ್ಷೇತ್ರದಲ್ಲಿಭಾರತ ವಿಶಿಷ್ಟ ಗುರುತು ದಾಖಲಿಸಿದೆ. 1.5 ಲಕ್ಷ ನೋಂದಾಯಿತ ಸ್ಟಾರ್ಟ್ಅಪ್ಗಳನ್ನು ಹೊಂದಿರುವ ವಿಶ್ವದ ಮೂರನೇ ದೇಶವಾಗಿದೆ. ಆ ಪೈಕಿ 300ಕ್ಕೂ ಹೆಚ್ಚು ಬಾಹ್ಯಾಕಾಶ ಸ್ಟಾರ್ಟ್ಅಪ್ಗಳು ಇರುವುದು ವಿಶೇಷ. ಕೆಲವು ಸಣ್ಣ ಸ್ಟಾರ್ಟ್ಅಪ್ಗಳಾದರೂ ಮಹತ್ವಾಕಾಕ್ಷೆ ಹೊಂದಿರುವಂತಹ ಸ್ಟಾರ್ಟ್ಅಪ್ಗಳಾಗಿವೆ ಎಂದು ಹೇಳಿದರು.
ಸ್ಕೈರೂಟ್ ಇನ್ಫಿನಿಟಿ ಕ್ಯಾಂಪಸ್
ಹೈದರಾಬಾದ್ನಲ್ಲಿ ಸ್ಥಾಪನೆಯಾಗಿರುವ ಸ್ಕೈ ರೂಟ್ ಇನ್ಫಿನಿಟಿ ಕ್ಯಾಂಪಸ್ ಅತ್ಯಾಧುನಿಕ ಸೌಲಭ್ಯ ಹೊಂದಿದೆ. ಎರಡು ಲಕ್ಷ ಚದರ ಅಡಿ ವಿಸ್ತೀರ್ಣದ ಕ್ಯಾಂಪಸ್ನಲ್ಲಿತಿಂಗಳಿಗೆ ಒಂದು ರಾಕೆಟ್ ಉತ್ಪಾದಿಸುವ ಸಾಮರ್ಥ್ಯ ಹೊಂದಿದೆ. ಇಸ್ರೊದ ಮಾಜಿ ವಿಜ್ಞಾನಿಗಳಾದ ಪವನ್ ಕುಮಾರ್ ಚಂದನ್ ಮತ್ತು ಭರತ್ ಡಾಕಾ ಸ್ಥಾಪಿಸಿದ ಸ್ಕೈರೂಟ್ ಏರೋಸ್ಪೇಸ್ ರೂಪಿಸಿದ ಮೊದಲ ಖಾಸಗಿ ರಾಕೆಟ್ ವಿಕ್ರಮ್-ಎಸ್ ಅನ್ನು 2022ರ ನವೆಂಬರ್ನಲ್ಲಿಉಡಾವಣೆ ಮಾಡಲಾಗಿತ್ತು.
