ಬಾಗಲಕೋಟೆ
ವಿಶ್ವ ಹಿರಿಯ ನಾಗರಿಕರ ದಿನಾಚರಣೆ ಅಂಗವಾಗಿ ಶತಾಯುಷಿ ಮತದಾರರನ್ನು ಜಿಲ್ಲಾಧಿಕಾರಿ ಕೆ.ಎಂ.ಜಾನಕಿ ಮತ್ತು ಜಿ.ಪಂ ಸಿಇಓ ಶಶಿಧರ ಕುರೇರ ಸತ್ಕರಿಸಿದರು.
ರವಿವಾರ ಜಿಲ್ಲಾಧಿಕಾರಿ ಕೆ.ಎಂ.ಜಾನಕಿ ಅವರು ಮುಚಖಂಡಿಯ ಈರವ್ವ ಈರಪ್ಪ ಹಡಪದ(100), ಮುಚಖಂಡಿ ಎಲ್.ಟಿ-1 ಗ್ರಾಮದ ಸೀತಾಬಾಯಿ ಲಕ್ಷ್ಮಣ ಚವ್ಹಾಣ ಅವರ ಮನೆಗೆ ತೆರಳಿ ಸತ್ಕರಿಸಿದರು.
ಅದೇ ತರನಾಗಿ ಬಾದಾಮಿ ತಾಲೂಕಿನ ನಂದಿಕೇಶ್ವರ ಗ್ರಾಮದ ಪಾರವ್ವ ಹೆಬ್ಬಳ್ಳಿ ಅವರ ಮನೆಗೆ ಜಿ.ಪಂ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಶಶಿದರ ಕುರೇರ ಸತ್ಕರಿಸಿದರು.
ಈ ಸಂದರ್ಭದಲ್ಲಿ ತಹಶೀಲ್ದಾರ ಅಮರೇಶ ಪಮ್ಮಾರ, ಜಿ.ಪಂ ಉಪ ಕಾರ್ಯದರ್ಶಿ ಅಮರೇಶ ನಾಯಕ, ಸಹಾಯಕ ಯೋಜನಾಧಿಕಾರಿ ಭೀಮಪ್ಪ ತಳವಾರ, ಜಿ.ಪಂ ಮುಖ್ಯ ಲೆಕ್ಕಾಧಿಕಾರಿ ಸಿದ್ದರಾಮ ಉಕ್ಕಲಿ ಸೇರಿದಂತೆ ಇತರರು ಇದ್ದರು.
