ಬಾಗಲಕೋಟೆ : ಜಿಲ್ಲೆಯ ಡಿಎಚ್ ಓಗಳ ಗುದ್ದಾಟ ಮುಂದುವರಿದಿದ್ದು ಇಬ್ಬರೂ ಅಧಿಕಾರಿಗಳ ಮಧ್ಯೆ ಸೋಮವಾರ ವಾಗ್ವಾದ ನಡೆದಿದೆ.
ಈ ಮೊದಲು ಡಿಎಚ್ ಓ ಆಗಿದ್ದ ಡಾ.ಜಯಶ್ರೀ ಯಮ್ಮಿ, ಈಗಿನ ಡಿಎಚ್ ಓ ಡಾ.ರಾಜಕುಮಾರ್ ಯರಗಲ್ ಮಧ್ಯೆ ಕಾನೂನು ಸಮರ ನಡೆದಿದೆ. ವರ್ಗಾವಣೆ ಆದೇಶಕ್ಕೆ ಡಾ.ಜಯಶ್ರೀ ಕೆಎಟಿಯಿಂದ ತಡೆಯಾಜ್ಞೆ ತಂದಿದ್ದಾರೆ. ಆದರೆ ಡಾ.ರಾಜಕುಮಾರ್ ಅಧಿಕಾರ ಬಿಟ್ಟು ಕೊಡುತ್ತಿಲ್ಲ.
ಸೋಮವಾರ ಕಚೇರಿಗೆ ಆಗಮಿಸಿದ ಡಾ.ಜಯಶ್ರೀ ಗೆ ಡಾ.ರಾಜಕುಮಾರ್ ಕುರ್ಚಿ ಬಿಟ್ಟು ಕೊಡಲಿಲ್ಲ. ಈ ಸಂದರ್ಭದಲ್ಲಿ ಇಬ್ಬರ ಮಧ್ಯೆ ವಾಗ್ವಾದ ನಡೆದಿದೆ. ನಂತರ ಇಬ್ಬರೂ ಒಂದೇ ಕಚೇರಿಯಲ್ಲಿ ಕುಳಿತು ಕಾರ್ಯನಿರ್ವಹಿಸುತ್ತಿದ್ದಾರೆ. ಈ ಮಧ್ಯೆ ಡಾ.ಜಯಶ್ರೀ ಪೊಲೀಸರಿಗೂ ಈ ಬಗ್ಗೆ ಮಾಹಿತಿ ನೀಡಿದ್ದಾರೆ.
