ಅಮೀನಗಡ:
ಸಮೀಪದ ಸೂಳೇಬಾವಿಯಲ್ಲಿ ರಾಜರಾಜೇಶ್ವರ ಸೋಮವಂಶ ಸಹಸ್ರಾರ್ಜುನ ಮಹಾರಾಜರ ಜಯಂತಿ ಆಚರಿಸಲಾಯಿತು.
ಗ್ರಾಮದ ತುಳಜಾಭವಾನಿ ದೇವಸ್ಥಾನದಲ್ಲಿ ಎಸ್ಸೆಸ್ಸೆಕೆ ಸಮಾಜದ ಸದಸ್ಯರು ಸೇರಿ ಜಯಂತಿ ಆಚರಿಸಿದರು. ಇದೇ ಸಂದರ್ಭದಲ್ಲಿ ದಸರಾ ಹಬ್ಬದಲ್ಲಿ ತುಳಜಾಭವಾನಿ ದೇವಿಗೆ ಪ್ರಭಾವತಿ ಅರ್ಪಿಸಿರುವ ಕಾಶೀನಾಥ ಶಿನ್ನೂರ ದಂಪತಿಗಳನ್ನು ಸನ್ಮಾನಿಸಲಾಯಿತು.
ಎಸ್ಸೆಸ್ಸೆಲ್ಸಿ ಹಾಗೂ ಪಿಯುಸಿಯಲ್ಲಿ ಹಲವು ವರ್ಷಗಳಿಂದ ಅತಿ ಹೆಚ್ಚು ಅಂಕ ಪಡೆಯುತ್ತಿರುವ ಸಮಾಜದ ವಿದ್ಯಾರ್ಥಿಗಳಿಗೆ ವಿಶೇಷ ಪ್ರೋತ್ಸಾಹಧನ ನೀಡಲಾಯಿತು. ಶಿಕ್ಷಕ ಕೃಷ್ಣಾಸಾ ನಿರಂಜನ ಮಾತನಾಡಿ, ಶಿಕ್ಷಣಕ್ಕೆ ಹೆಚ್ಚು ಆದ್ಯತೆ ನೀಡುತ್ತಿರುವ ಸಮಾಜದ ಕಾರ್ಯ ಶ್ಲಾಘನೀಯ ಎಂದರು.
ಅಮೀನಗಡ ಹಾಗೂ ಸೂಳೇಬಾವಿ ಗ್ರಾಮದ ಎಸ್ಸೆಸ್ಸೆಕೆ ಸಮಾಜದ ಸದಸ್ಯರು, ಹಿರಿಯರು, ಯುವಕರು ಇದ್ದರು.
