ಅಕ್ಷಯ್ ಕುಮಾರ್ಅವರು ಇಷ್ಟು ವರ್ಷ ಕೆನಡಾದ ನಾಗರಿಕತ್ವ ಪಡೆದಿದ್ದರು ಎಂದು ಮಾಹಿತಿ ತಿಳಿದು ಬಂದಿದೆ.
ಈ ವರ್ಷ ಅವರು ಭಾರತದ ಪೌರತ್ವ ಪಡೆದಿದ್ದು, ಇದಾದ ನಂತರ ಅವರು ಮೊದಲ ಬಾರಿಗೆ ಮತ ಹಾಕಿದ್ದಾರೆ. ಲೋಕಸಭೆ ಚುನಾವಣೆಯ ಐದನೇ ಹಂತದಲ್ಲಿ, ಎಂಟು ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಲ್ಲಿ ಮತದಾನ ನಡೆಯುತ್ತಿದೆ.
ಇದರಲ್ಲಿ ಮುಂಬೈ ಕೂಡ ಸೇರಿದ್ದು, ಮುಂಬೈನಲ್ಲಿ ಮತ ಹಾಕಿದ ಬಳಿಕ ಮಾತನಾಡಿದ ಅಕ್ಷಯ್ ಕುಮಾರ್, ‘ನಮ್ಮ ಭಾರತ ಅಭಿವೃದ್ಧಿ ಹೊಂದಬೇಕು, ಬಲಿಷ್ಠಗೊಳ್ಳಬೇಕು. ಅದನ್ನು ಮನಸ್ಸಲ್ಲಿ ಇಟ್ಟುಕೊಂಡು ವೋಟ್ ಮಾಡಿದ್ದೇನೆ. ಒಳ್ಳೆಯ ರೀತಿಯಲ್ಲಿ ಮತದಾನ ಆಗುತ್ತದೆ ಎಂದು ನಾನು ಭಾವಿಸುತ್ತೇನೆ’ ಎಂದು ಮಾಹಿತಿ ಕಂಡು ಬಂದಿದೆ.
