ಈ ರಾಜಕೀಯ ಕುರುಕ್ಷೇತ್ರದಲ್ಲಿ ಜನರೇ ಕೃಷ್ಣ, ನಾನೇ ಅರ್ಜುನ ಎಂದು ಆಂಧ್ರಪ್ರದೇಶದ ಮುಖ್ಯಮಂತ್ರಿ ವೈಎಸ್ ಜಗನ್ಮೋಹನ್ ರೆಡ್ಡಿ ತಿಳಿಸಿದರು.
ಇಡೀ ರಾಜಕೀಯವನ್ನು ಮಹಾಭಾರತಕ್ಕೆ ಹೋಲಿಸಿರುವ ರೆಡ್ಡಿ, ಜನರು ಕೃಷ್ಣ ತಾನೇ ಅರ್ಜುನ, ನನ್ನ ಬೆಂಬಲಿಗರು ನನ್ನ ಸೇನೆ ಎಂದಿದ್ದು, ವೈಎಸ್ಆರ್ ಕಾಂಗ್ರೆಸ್ ಪಕ್ಷದ ವರಿಷ್ಠರು, ಮೇದರಮೆಟ್ಲಾದಲ್ಲಿ ಬೃಹತ್ ರ್ಯಾಲಿಯನ್ನು ಉದ್ದೇಶಿಸಿ ಮಾತನಾಡಿ, ಈ ಮೆರವಣಿಗೆಯಲ್ಲಿ ಪಾಲ್ಗೊಂಡವರನ್ನು ತಮ್ಮ ಸೇನೆ ಎಂದು ಉಲ್ಲೇಖಿಸಿದ್ದಾರೆ, ಪಕ್ಷವನ್ನು ಗೆಲುವಿನತ್ತ ಮುನ್ನಡೆಸಲು ಸಿದ್ಧರಾಗಿದ್ದಾರೆ ಎಂದರು.
ನನಗೆ ವಿವಿಧ ಪಕ್ಷಗಳೊಂದಿಗೆ ಮೈತ್ರಿ ಇಲ್ಲ; ನಾನು ಏಕಾಂಗಿಯಾಗಿ ಚುನಾವಣೆಗೆ ಹೋಗುತ್ತಿದ್ದೇನೆ ಮತ್ತು ನನ್ನ ಬಳಿ ಬಡವರ ಮನೆಗಳ ಅನೇಕ ಸ್ಟಾರ್ ಪ್ರಚಾರಕರು ಇದ್ದಾರೆ ಎಂದು ತೆಲುಗು ದೇಶಂ ಪಕ್ಷ (ಟಿಡಿಪಿ) ನಡುವಿನ ಲೋಕಸಭಾ ಚುನಾವಣಾ ಮೈತ್ರಿಯನ್ನು ಉಲ್ಲೇಖಿಸಿ ರೆಡ್ಡಿ ಹೇಳಿದರು.ಟಿಡಿಪಿ, ಜನಸೇನೆ ಮತ್ತು ಬಿಜೆಪಿ ಸೇನೆಯಿಲ್ಲದ ಕಮಾಂಡರ್‌ಗಳಿದ್ದಂತೆ ಎಂದು ಪ್ರತಿಪಾದಿಸಿದರು.
ಐದು ವರ್ಷಗಳ ಕಾಲ ರಾಜ್ಯದ ಪ್ರಗತಿಯನ್ನು ಖಾತ್ರಿಪಡಿಸುವಲ್ಲಿ ಜನರ ಒಗ್ಗಟ್ಟನ್ನು ಮುಖ್ಯಮಂತ್ರಿ ಒತ್ತಿ ಹೇಳಿದ್ದು, ಆಂಧ್ರ ಪ್ರದೇಶ ವಿಧಾನಸಭೆ ಚುನಾವಣೆಯು ಮೇ 2024 ರ ಮೊದಲು ನಡೆಯಲಿದ್ದು, ಇದೇ ವೇಳೆ ಹೆಚ್ಚುವರಿ ವೆಚ್ಚ ಭರಿಸದೆ ಚಾಲ್ತಿಯಲ್ಲಿರುವ ಕಲ್ಯಾಣ ಯೋಜನೆಗಳನ್ನು ಮುಂದುವರಿಸುವುದಾಗಿ ಭರವಸೆ ನೀಡಿದರು. 66 ಲಕ್ಷ ಫಲಾನುಭವಿಗಳಿಗೆ ಪಿಂಚಣಿ, ರೈತರಿಗೆ ಉಚಿತ ವಿದ್ಯುತ್, ಸಬ್ಸಿಡಿ ಮೂಲಕ ಅಕ್ಕಿ ವಿತರಣೆ, ಆರೋಗ್ಯ ರಕ್ಷಣೆ, ಶಿಕ್ಷಣಕ್ಕಾಗಿ ಶುಲ್ಕ ಮರುಪಾವತಿ, ಸಂಪೂರ್ಣ ಪೋಷಣ ಕಾರ್ಯಕ್ರಮ ಮತ್ತು ಶಾಲಾ ಮಕ್ಕಳಿಗೆ ಮಧ್ಯಾಹ್ನದ ಊಟ, ಒಟ್ಟು 52,700 ಕೋಟಿ ವೆಚ್ಚದಲ್ಲಿ ಮುಂದುವರಿಯುತ್ತದೆ ಎಂದು ವಿವರಿಸಿದರು.
