This is the title of the web page
This is the title of the web page

Live Stream

April 2025
S M T W T F S
 12345
6789101112
13141516171819
20212223242526
27282930  

| Latest Version 9.4.1 |

International News

ಉತ್ತರ ಪ್ರದೇಶದ: ತನ್ನ 5 ಸೋದರರಿಂದ ಪತ್ನಿ ಮೇಲೆಯೇ ಗ್ಯಾಂಗ್‌ರೇಪ್ ಮಾಡಿಸಿದ ಪತಿ

ಉತ್ತರ ಪ್ರದೇಶದ: ತನ್ನ 5 ಸೋದರರಿಂದ ಪತ್ನಿ ಮೇಲೆಯೇ ಗ್ಯಾಂಗ್‌ರೇಪ್ ಮಾಡಿಸಿದ ಪತಿ

ಹೊಸದಿಲ್ಲಿ: ವ್ಯಕ್ತಿಯೊಬ್ಬ ತನ್ನ ಸಹೋದರರ ಮೂಲಕವೇ ಹೆಂಡತಿ ಮೇಲೆ ಸಾಮೂಹಿಕ ಅತ್ಯಾಚಾರ ನಡೆಸಿ, ಆಕೆಯನ್ನು ಕೊಲೆ ಮಾಡಿಸಿದ ಆಘಾತಕಾರಿ ಘಟನೆ ಉತ್ತರ ಪ್ರದೇಶದಲ್ಲಿ ನಡೆದಿದೆ.

ಈ ಸಂಬಂಧ ಪೊಲೀಸರು ನಾಲ್ವರನ್ನು ಬಂಧಿಸಿದ್ದು, ಇನ್ನೊಬ್ಬ ಆರೋಪಿ ತಲೆಮರೆಸಿಕೊಂಡಿದ್ದಾನೆ. ಬಂಧಿತ ನಾಲ್ಕೂ ಮಂದಿ ಅತ್ಯಾಚಾರಕ್ಕೆ ಒಳಗಾದ ಮಹಿಳೆಯ ಗಂಡನ ಸಹೋದರರು. ಸಂತ್ರಸ್ತೆಯ ಕುಟುಂಬದವರು ದೂರು ನೀಡಿದ ಬಳಿಕ ಅವರನ್ನು ಬಂಧಿಸಲಾಗಿದೆ.ಇಡೀ ಕೃತ್ಯದ ಹಿಂದಿನ ಸಂಚುಕೋರನಾಗಿರುವ ಮಹಿಳೆಯ ಪತಿ ಪ್ರಸ್ತುತ ದುಬೈನಲ್ಲಿ ಇದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಉತ್ತರ ಪ್ರದೇಶದ ಫತೇಪುರದಲ್ಲಿ ನಡೆದ ಈ ಘಟನೆ ಜನವರಿ 20ರಂದು ಬೆಳಕಿಗೆ ಬಂದಿದ್ದು, ನಿರ್ಮಾಣ ಹಂತದಲ್ಲಿರುವ ಕಟ್ಟಡವೊಂದರ ನೀರಿನ ಟ್ಯಾಂಕ್ ಒಳಗೆ ಬೆತ್ತಲೆ ಸ್ಥಿತಿಯಲ್ಲಿದ್ದ ಮಹಿಳೆಯ ಶವವನ್ನು ಕಂಡ ಸ್ಥಳೀಯರು ಪೊಲೀಸರಿಗೆ ಮಾಹಿತಿ ನೀಡಿದ್ದರು. ಸ್ಥಳಕ್ಕೆ ತೆರಳಿದ ಪೊಲೀಸರಿಗೆ, ಸಾಫ್ಟ್ ಡ್ರಿಂಕ್ಸ್‌ನ ಕೆಲವು ಬಾಟಲಿಗಳು ಮತ್ತು ವಿವಿಧ ತಿಂಡಿ ತಿನಿಸುಗಳು ಕಾಣಿಸಿದ್ದವು. ಮಹಿಳೆಯ ಗುರುತು ಪತ್ತೆ ಮಾಡಿದ ಪೊಲೀಸರು, ಆಕೆಯ ಕುಟುಂಬವನ್ನು ಸಂಪರ್ಕಿಸುವಲ್ಲಿ ಸಫಲರಾಗಿದ್ದರು. ಅವರು ದಾಖಲಿಸಿದ ದೂರಿನ ಅನ್ವಯ, ಮಹಿಳೆಯ ಮೈದುನರನ್ನು ಬಂಧಿಸಲಾಗಿದೆ.

ಬಂಧಿತರನ್ನು ರೋಹಿತ್ ಲೋಧಿ, ರಾಮಚಂದ್ರ ಅಲಿಯಾಸ್ ಪುಟ್ಟು, ಶಿವಂ ಅಲಿಯಾಸ್ ಪಂಚಮ್ ಮತ್ತು ಸೋನು ಲೋಧಿ ಎಂದು ಗುರುತಿಸಲಾಗಿದೆ. ಪ್ರಕರಣದ ಐದನೇ ಆರೋಪಿ ನಂಕು ಲೋಧಿ ನಾಪತ್ತೆಯಾಗಿದ್ದಾನೆ. ಹತ್ಯೆಯಾದ ಮಹಿಳೆಯು ತಮ್ಮ ಪೋಷಕರ ಮನೆಯಲ್ಲಿದ್ದು, ಜಾತ್ರೆಯೊಂದಕ್ಕೆ ಕರೆದುಕೊಂಡು ಹೋಗುವ ನೆಪದಲ್ಲಿ ಕರೆದೊಯ್ದ ಐವರು ಆರೋಪಿಗಳು ಆಕೆ ಮೇಲೆ ಅತ್ಯಾಚಾರ ಎಸಗಿದ್ದಾಗಿ ಪೊಲೀಸರ ವಿಚಾರಣೆ ವೇಳೆ ಬಾಯ್ಬಿಟ್ಟಿದ್ದಾರೆ ಎಂದು ಮಾಹಿತಿ ತಿಳಿದು ಬಂದಿದೆ.

Nimma Suddi
";